დიდხნიანი და მძიმე ბრძოლის შემდეგ, შუახმელეთში სანატრელი მშვიდობა დადგა. საურონი ბრძოლაში დამარცხდა და გაიქცა, თუმცა გარკვეული დროის შემდეგ ბოროტების ძალები კვლავ გაცოცხლდა. შუახმელეთის მცხოვრებნი — ადამიანები, ჰობიტები, ელფები და გნომები — ახლო საფრთხეს გრძნობენ. ბევრ მათგანს ჯერაც არ მოუხერხებია ომის შედეგებისგან გამოჯანმრთელება. ელფი გალადრიელი, ნოლდორის მეფე ამანის შვილი, ძმას კარგავს — იგი ტრაგიკულად იღუპება მორგოთის მომხრეებთან შეტაკებისას. გალადრიელი მის მკვლელებს ეძებს, რათა შური იძიოს. დევნისას ის ხვდება ჰალბრანდს, ადამიანს, რომელიც განდეგილი ცხოვრებით ცხოვრობს, რადგან წარსული ტრაგედიები დევნიან.

ჰალბრანდმა თავის დროზე გადაწყვიტა, საზოგადოებისგან შორს, მარტოობაში ეცხოვრა და დიდი ხანია ადამიანებთან კავშირი გაწყვიტა. გალადრიელი კი ერთ-ერთია იმათ შორის, ვისაც ჯერ კიდევ სჯერა, რომ ბოროტება სადღაც ახლოსაა. მისი გული გრძნობს, რომ ერთ დღეს საურონი დაბრუნდება და ძალაუფლების მოპოვებას კვლავ შეეცდება. გალადრიელსა და მის თანამგზავრებს გრძელი და საშიში გზა ელით წინ. სანამ გალადრიელი ძმის მკვლელებს ეძებს, ელფების ორდენი ძალაუფლების ლეგენდარულ ბეჭდებს ქმნის. შუახმელეთის მცხოვრებნი კი ვერც კი წარმოიდგენენ, რამდენი საფრთხე იმალება ამ ბეჭდებში.