გაი რიჩი

არაჯენტლმენურ საქმეთა სამინისტრო

The Ministry of Ungentlemanly Warfare

„არაჯენტლმენურ საქმეთა სამინისტრო“ (The Ministry of Ungentlemanly Warfare) არის საომარი მოქმედებებითა და დაძაბულობით დატვირთული ფილმი, რომელიც მეორე მსოფლიო ომის დროს ბრიტანეთის საიდუმლო ოპერაციების შესახებ გვიყვება. ფილმი ეფუძნება რეალურ ისტორიებს და გვაცნობს ბრიტანეთის მიერ შექმნილ სპეციალურ დანაყოფს, რომელიც საიდუმლოდ ოპერირებდა და არასტანდარტულ, ხშირად დაუნდობელ მეთოდებს იყენებდა მტრის წინააღმდეგ. ფილმის მთავარი გმირები არიან მამაცები, რომლებიც ეწინააღმდეგებოდნენ ტრადიციულ სამხედრო წესებს და ხშირად მოქმედებდნენ არაჯენტლმენურად, ანუ წესებისა და კოდექსის მიღმა, რათა ფაშისტური ძალების დამარცხებას შეეწყოთ ხელი. მათი მისია მოიცავდა დივერსიებს, გადამწყვეტ თავდასხმებს და საიდუმლო ოპერაციებს, რომელთა მიზანი იყო მტრის დემორალიზაცია და საბოლოო გამარჯვება. სიუჟეტი სავსეა დაძაბული მომენტებით, მოქმედების სცენებით და ძლიერი პერსონაჟებით, რომელთაც ერთგულება და თავგანწირვა აერთიანებთ. „არაჯენტლმენურ საქმეთა სამინისტრო“ მაყურებელს საშუალებას აძლევს, ჩაუღრმავდეს საომარი ისტორიის მუქ და ხშირად უცნობ მხარეს, სადაც შედეგი მართლაც ამართლებს ნებისმიერ ხერხს.

ოპერაცია ფორტუნა | Operation Fortune: Ruse de Guerre

გაი რიჩის ექშენ-თრილერი, ბრიტანეთის დაზვერვის სამსახურის MI6-ის სუპერ ჯაშუშის ორსონ ფორჩუნის შესახებ, რომელიც იძულებულია საერთაშორისო დაზვერვის ალიანსის “ხუთი თვალის” აგენტებთან გაერთიანდეს, და ჰოლივუდის კინოვარსკვლავ, მსახიობ დენი ფრანჩესკოს დაიქირავებს, სარისკო მისიაში მონაწილეობის მისაღებად . გმირები ცდილობენ გამოავლინონ და ხელი შეუშალონ მილიარდელ იარაღით მოვაჭრეს, გრეგ სიმონდს ახალი თაობის სასიკვდილო იარაღის ტექნოლოგიის გაყიდვაში, რომელიც მსოფლიო წესრიგს დარღვევით ემუქრება.

შეთანხმება | THE COVENANT

ჯონ კინლი, აშშ-ს არმიის სერჟანტი, რომელიც ადგილობრივ თარჯიმანთან, აჰმედთან ერთად იკვლევს რეგიონს, მალე ვადას ასრულებს. როდესაც მათი ქვედანაყოფი პატრულირებისას ჩასაფრებაში მოხვდება, მხოლოდ დაჭრილი კინლი და აჰმედი ახერხებენ გადარჩენას, ხოლო მტრის მებრძოლები იწყებენ აჰმედის დევნას, რომელიც ახლა საკუთარ სიცოცხლეს საფრთხეში აგდებს, რათა დაჭრილი კინლი დამღლელი რელიეფის გავლით უსაფრთხო ადგილას გადაიყვანოს. აშშ-ს მიწაზე დაბრუნებული კინლი გაიგებს, რომ აჰმედს და მის ოჯახს არ მიეცათ ამერიკაში შესვლის უფლება, როგორც დაპირდნენ. შედეგად, თავისი მეგობარის დაცვისა და მისი ვალის გადახდის გადაწყვეტილებით, მთავარი გმირი ბრუნდება ომის ზონაში, რათა თან წაიყვანოს აჰმედი და მისი ოჯახი, სანამ ადგილობრივი თალიბები მათთან მივლენ.

ადამიანის რისხვა

WRATH OF MAN

გაი რიჩის ექშენ-თრილერი და 2004 წლის ფრანგული ფილმის “ინკასატორის” რიმეიკი, შურისძიების სურვილით შეპყრობილი იდუმალი მამაკაცის სახელად ეიჩის შესახებ, რომელიც საინკასაციო კომპანიაში მუშაობას იწყებს, რათა ლოს-ანჯელესში საინკასაციო მანქანებზე გახმაურებული ძარცვის სერიებში თანამონაწილეები იპოვოს, რომლებმაც მისი ვაჟი მოკლეს. მორიგი ძარცვის დროს, მთავარი გმირი მოულოდნელად თავის სასტიკ უნარებს ავლენს და კოლეგებს აოცებს, რომლებიც ინტერესდებიან, ვინ არის ის და საიდან მოვიდა. მალე ეიჩის მოტივები საბოლოოდ ნათელი ხდება, როდესაც ის ანგარიშწორების მიზნით გადამწყვეტ და შეუქცევად ნაბიჯებს გადადგამს.

ჯენტლმენები

The Gentlemen

ამერიკელი ექსპატრიატი ცდილობს თავისი მაღალშემოსავლიანი მარიხუანას იმპერია გაყიდოს ლონდონში, რაც კონსპირაციებს, მაქინაციებს, მექრთამეობას და შანტაჟს გამოიწვევს, რადგანაც მისთვის ამ სამფლობელოს ცხვირწინ აცლა უნდათ

ალადინი 2019

Aladdin

ფილმი მოგვითხრობს ამავე სახელწოდების 1992 წლის \"Disney\"-ის ყველასათვის საყვარელი ანიმაციური ფილმის მიხედვით გადაღებულ ისტორიაზე...

მეფე არტური: ლეგენდა მახვილზე | King Arthur: Legend of the Sword

ფილმი მოგვითხრობს ახალგაზრდა არტურზე, რომელიც ლონდონიუმის გარეუბანში ცხოვრობს მის ბანდასთან ერთად. მას წარმოდგენა არ ჰქონდა მის სამეფო წარმომავლობაზე, იქამდე სანამ ხელში მახვილი ესკალიბური არ აიღო. მას მოუწევს ისწავლოს მაგიური მახვილის გამოყენება, შეხვდეს მის პირად დემონებს და გააერთიანოს ხალხი დიქტატორი ვორტიგენის წინააღმდეგ, რომელმაც მისი მშობლები მოკლა, გვირგვინი მიითვისა და მეფე გახდა.

აგენტები U.N.C.L.E.

The Man from U.N.C.L.E.

1960-იანი წლები, ცენტრალური დაზვერვის ბიურო აგენტი ნაპოლეონ სოლო და კგბ-ს ოპერატიული მუშაკი ილია კურიაკინი მონაწილეობენ ერთობლივ მისიაში. მათ ევალებთ საიდუმლო კრიმინალური ორგანიზაციის, რომელიც ბირთვულ იარაღზე მუშაობს, გამომჟღავნება და განიარაღება.

შერლოკ ჰოლმსი: აჩრდილების თამაშები

Sherlock Holmes: A Game of Shadows

როდესაც ავსტრიის ტახტის მემკვიდრეს მკვდარს პოულობენ, ყველა სამხილი, ინსპექტორი ლესტრეიდის აზრით, თვითმკველობაზე მეტყველებს. მაგრამ შერლოკ ჰოლმსი ამტკიცებს, რომ პრინცი მოკლეს და ეს მკვლელობა პროფესორ მორიარტის მოზაიკის პატარა ნაწილია, რომელიც გაცილებით უფრო გრანდიოზული და ავისმომასწავებელია

შერლოკ ჰოლმსი

Sherlock Holmes

როდესაც სერიულ მკვლელს, ოკულტისტ \"ჯადოქარს\", ლორდ ბლექვუდს ბოლოსდაბოლოს დაიჭერენ, ლეგენდარულ გამომძიებელ შერლოკ ჰოლმსსა და მის ასისტენტს, დოქტორ ვატსონს შანსი ეძლევათ კიდევ ერთი საქმე წარმატებით დაასრულონ. მაგრამ, როდესაც ბლექვუდი სასწაულებრივად აღსდგება საფლავიდან და განაგრძობს მკვლელობებით გართობას, ჰოლმსი კვლავ მასზე ნადირობას იწყებს. პარტნიორის საცოლესთან და სკოტლანდ იარდის სულელ უფროსთან დაპირისპირებულმა უშიშარმა დეტექტივმა უნდა გახსნას საქმე, რომელსაც მკვლელობათა აბურდულ ქსელთან, ღალატთან და შავ მაგიასთან მივყავართ. ამასთანავე, მან ირენ ადლერის მომაკვდინებლად მაცდუნებელ შემოტევებს უნდა გაუძლოს.

როკენროლა

RocknRolla

როდესაც რუსი განგსტერი, უძრავი ქონების სფეროში თაღლითობით მილიონობით ფუნტს იშოვნის, ლონდონის კრიმინალური სამყაროს სხვადასხვა წარმომადგენელი ამ ფულზე ნადირობას იწყებს. ზოგიერთი ავანტიურისტი, მათ შორის მისტერ \"ერთი-ორი\", სტელა, ჯონი ქუიდი,ასევე ნარკომანი როკ-ვარსკვლავი, თავიანთი წილის მოთხოვნას შეეცდებიან.

დიდი ფსონი

Snatch

ფრენკს თავისი ბოსისთვის ინგლისიდან აშშ-ში უნდა გადაეტანა მოპარული ალმასი. გზაში იგი ფსონს დადებს კრივის შეჯიბრებაზე და ამის შემდეგ მის ცხოვრებაში იწყება უსიმოვნებები. ყველა ცდილობს, რომ თვითონ მოხსნას დიდი კუში და დიდი ფულის პატრონები გახდნენ.

ალადინი

Aladdin

ალადინი ქალაქელი ღარიბი ბიჭია რომლსაც ჰყავს მეგობარი მაიმუნი სახელად აბუ. იგი შეყვარებულია ულამაზეს პრინცესა ჟასმინზე. ალადინის მეშვეობით შეძლებს ბოროტი ჯაფარი ჯადოსნური ლამპარის მოპოვებას, რომელშიც სასწაულმოქმედი ჯინია გამომწყვდეული. მხოლოდ ალადინი და მისი მეგობრები შეძლებენ ჯაფარს ძალაუფლების მოპოვებაში ხელი შეუშალონ...

ბანქო, ფული და ორი ლულა

Lock, Stock and Two Smoking Barrels

ბრიტანული დინამიური კომედია ოთხი მეგობრის შესახებ, რომლებსაც დიდი ფული სჭირდებათ, მას შემდეგ რაც პოკერის საეჭვო პარტია წააგეს. ბრიტანული იუმორი, თავისებური გმირები და დაუჯერებელი სცენები - ამ ყველაფერმა რეჟისორ გაი რიჩის სახელი გაუთქვა.