ფილმი „ჩუპა“ მოგვითხრობს ისტორიას, როდესაც ზაფხულის არდადეგებზე მაიკლი ბაბუას რანჩოზე ჩადის. ბიჭი სოფლურ ცხოვრებას მიჩვეული არ არის, მას ქალაქი და მეგობრები ენატრება. ერთ დღეს, ტყეში სეირნობისას, ის უცნაურ არსებასთან ხვდება. მაიკლი არ უშინდება და მასთან ახლოს მიდის, ასე იწყება მისი ნაცნობობა მისტიკურ ქმნილებასთან. მითოლოგიაში ჩუპა მოხსენიებულია როგორც საშიში და მზაკვრული არსება, თუმცა მოზარდმა მის ახალ მეგობარში სხვა თვისებები აღმოაჩინა.

ახალი მეგობარი აგრესიულობას არ გამოხატავს, პირიქით, ის ისეთივე მარტო ჩანს, როგორც მაიკლი. ცოტა ხანში ისინი ნამდვილ მეგობრებად იქცევიან და ერთად საოცარი თავგადასავლები ელით. მაიკლი და ჩუპა ერთად იკვლევენ უძველეს ნანგრევებს, ხსნიან ადგილობრივი ტყის საიდუმლოებებს. მიუხედავად იმისა, რომ ისინი სხვადასხვა სამყაროს ეკუთვნიან, ეს მათ ხელს არ უშლის ერთმანეთის გაგებაში. მოულოდნელად, მაიკლი იგებს, რომ რანჩოს საშიშროება ემუქრება. ის ვერ დგას გულგრილად, თუმცა ბნელ ძალებთან ბრძოლა მის ძალებს აღემატება. დასახმარებლად კი ჩუპა მოდის.