ახლო მომავალი. ჩვენი სამყარო საწვავის ომებშია ჩათრეული. ნავთობის საბადოებისთვის ბრძოლა გავლენიან ტერორისტულ დაჯგუფებებს შორის მიმდინარეობს, რაც ყველა ქვეყნის ცხოვრებასა და განვითარებაზე უარყოფითად აისახება, განსაკუთრებით კი — ახლო აღმოსავლეთზე. ტერორისტები მუდმივად ვერ იყოფენ გავლენის სფეროებს და ამით საფრთხეს უქმნიან უბრალო მოქალაქეთა ცხოვრებას. მათი მორიგი სამიზნე ხდება ნავთობგადამამუშავებელი ქარხანა ერაყის ქალაქ მოსულში. ერთ-ერთი დაჯგუფება ქარხნის კონტროლისთვის იბრძვის და მის თანამშრომლებს მძევლად იღებს.

სპეცსამსახურების ხელმძღვანელობა დაუყოვნებლივ აგზავნის სპეციალურ აგენტს ლო ფენს და ყოფილ საზღვაო ქვეითს, კრისტოფერ ვან ჰორნს, რომლებიც მიჩვეულნი არიან კრიტიკულ სიტუაციებში მუშაობას. მათი მისია არა მხოლოდ ქარხნის თანამშრომლების გათავისუფლებაა, არამედ მათი უსაფრთხო ზონაში გადაყვანაც, რაც განსაკუთრებით საშიშ გზას, შოსეს სახელად "სიკვდილის ტრასას," გადის.

გმირებს უწევთ კარგად შეიარაღებული ტერორისტული დაჯგუფებების წინააღმდეგ მარტო ბრძოლა და არაერთი სირთულის გადალახვა, სანამ ქარხნის თანამშრომლები უსაფრთხოებაში აღმოჩნდებიან.