ფილმის "კოკაინის დათვი" მოქმედება იწყება იმით, რომ ნარკოკურიერების თვითმფრინავი კატასტროფას განიცდის. გუნდის წევრებს მხოლოდ ერთი გზა დარჩებათ – ტყეში გადაყარონ ტვირთი. პაკეტები ძვირადღირებული თეთრი ფხვნილით საკმაოდ დიდ ტერიტორიაზე იფანტება. პოლიცია რამდენიმე პაკეტს პოულობს და მათი მიზანი ხდება დანარჩენი ტვირთის მოძიება. თუმცა, მოულოდნელად ისინი სახიფათო კონკურენტს წააწყდებიან: ერთ-ერთი პაკეტი უზარმაზარი დათვის კლანჭებში ხვდება, რომელიც დაუყოვნებლივ სინჯავს ფხვნილს.

პოლიციელები თავდაპირველად ინტერესით უყურებენ მოვლენას, თუმცა, მალე სიტუაცია უარესდება – ნარკოტიკის დიდი რაოდენობის მიღების შემდეგ, დათვი აგრესიული ხდება და ადამიანებზე თავდასხმას იწყებს. ამავე ტყეში, პოლიციელების გარდა, ჩვეულებრივი მოქალაქეებიც არიან, რომლებიც ყველაფერს აკეთებენ, რათა მძვინვარე ცხოველისგან თავი გადაირჩინონ.