მეორე მსოფლიო ომის დასასრული. იაპონელი პილოტი კამიკაძე კოიჩი შიშისგან იწყებს მოქმედებას და თვითმფრინავის ტექნიკური გაუმართაობის მოტივით მას ერთ-ერთ კუნძულზე დასვამს. ღამით მას თავს ესხმის გიგანტური მონსტრი გოძილა. კოიჩი თვითმფრინავს უბრუნდება, თუმცა მალევე გონებას კარგავს. სახლში დაბრუნების შემდეგ ის იგებს, რომ მისი ოჯახი დაღუპულია. კოიჩის ტანჯავს დანაშაულის გრძნობა, რადგან თავად გადარჩა. ის დაკავებულია ნაღმების გაუვნებელყოფით და ზრუნავს მარტოხელა ქალ ნორიკო ოისიზე და პატარა გოგონა აკიკოზე, რომელმაც მშობლები დაკარგა. ამავდროულად, ამერიკა ატარებს ბირთვულ გამოცდებს, რის შედეგადაც გოძილა მუტაციას განიცდის, იზრდება და სითბური სხივის საშინელ ძალას იძენს.

გოძილა იწყებს სამხედრო ხომალდების განადგურებას და იაპონიისკენ მიემართება. მონსტრი თავს ესხმის ტოკიოს იმ რაიონს, სადაც ნორიკოა. გოძილას წინააღმდეგ გამოდის იაპონიის ყველაზე მოწინავე ტანკები, თუმცა გიგანტის სითბური სხივი ბირთვულ აფეთქებას იწვევს და უამრავი ადამიანი იღუპება, მათ შორის ნორიკოც. განადგურებული კოიჩი შურისძიებას გადაწყვეტს. იწყება სასოწარკვეთილი ბრძოლა ადამიანებსა და აგრესიულ მონსტრს შორის. გოძილას გასანადგურებლად გამოიყენებენ მრავალგვარ ხრიკს, სიცრუესა და თვითშეწირვის სურვილს. არაჩვეულებრივი ძალისხმევით მონსტრის ლიკვიდაცია მოხერხდება, თუმცა გიგანტურ ხვლიკზე გამარჯვება ამ ისტორიას საბოლოო წერტილს ვერ დაუსვამს.